Besteak beste, arartekoak presodengietara "sartu" egin behar duela deritzo, "toki ilun" horietan gertatzen denaren berri izatera. Hala, kartzelan gertatzen diren heriotzetan arartekoak baduela zeregina iritzi dio.
Halaber, polizien praktika "txarrak" gertatzen direnean ere arartekoak hor egon beharko lukeela uste du. "Administrazioak bere estoldak baititu, eta gai hau behar bezala landu behar da, ahalik eta jokaera garbiena izan dadin".
EH Bildu koalizioak aurkeztu zuen Barinagarrementeria abokatua postu horretarako. Soilik koalizioaren babesa du, eta, beraz, ez da aurrera aterako hautagaitza. EAJk, PSEk eta PPk Manu Lezertuaren hautagaiatzaren alde egingo dute. Ekainean hautatuko dutela espero da.
