Haurrek hitzordu bat gehiago izango dute txertoen egutegian, Araban, Bizkaian eta Gipuzkoan. Erkidegoetako Osasun kontseilariek hartu dute erabakia eta 6 milioi euroko kostea izango du. 12 eta 15 hilabete bitarteko umeei txerto hau emateko aukera izango dute gurasoek. Bi dositan emango dute txertoa; 12 eta 15 hilabete artean lehena, eta 3 eta lau urte bitartean bigarrena.
Gaur goizean egindako bileraren ondoren eman du albistea Jesus Sanchez Martos Madrilgo Osasun kontseilariak. Adostasunez hartutako erabakia dela azaldu du, baina PSOEk gobernatzen dituen erkidegoek desadostasuna azaldu dute, elkarte zientifikoek "justifikatu gabeko neurria" dela argudiatuz.
Uztailaren 1ean jarri zuten abian Pneumoniaren aurkako kanpaina; meningitisa sor dezakeen bakteria horren kontrako txertaketa ere jartzen ari da hilaren hasieraz geroztik Osakidetza.
