ETAk jarduera armatua bukatu zuela iragarri zuela lau urte direla-eta Sortuk balorazio politikoa egin du, Donostian, hedabideen aurrean. Pernando Barrena eledunak nabarmendu du ETAren bortxakeriaren amaierak ez duela bortxakeriaren bukaera ekarri: "Estatuak segitzen du berearekin; estatuaren bortxakeria bake prozesuaren kontrakoa da".
"Urrats positibo denak" ezker abertzaleak eragindakoak izan direla esan du, eta euskal gizartearen eta nazioarteko komunitatearen zeregina ere garrantzitsua izan dela. "Biktima guztien aitortza" egin behar dela gaineratu du, eta presoen afera ere konpondu behar dela gogoratu.
"Estatuak bahitu politiko moduan ditu presoak, ezker abertzaleak ahantzi dezan herri honen askatasunaren bidea. Prozesu independentista azkartzera goaz, eta hor urrats sendoak eginez ekarriko ditugu presoak etxera".
