Basurtuko larrialdietako «kaosa» salatu du Satsek

BILBO. Basurtuko ospitaleko larrialdi zerbitzuetako «kaosa» eta «etengabeko kolapsoa» kritikatu ditu Satsek, eta egoera iraultzeko neurriak eskatu dizkio Osakidetzari. Sindikatuak gogorarazi du egoera bertsuan daudela Gurutzetako erietxeko larrialdiak (Barakaldo, Bizkaia), eta erantsi du egoera hori ez duela gripe epidemiak eragin.