Euskal lurralde elkargoaren alde egindako lanaz iritzi baikorra emen du Batera plataformak, goiz honetan Baionan egin prentsaurrekoan. Lurralde elkargoaren eskakizunaren gibelean zehazki zer gordetzen den zehaztu nahi izan dute. "Departamendu +", "estatu bereziki kontseilu nagusia"...: azken aste horietan kontzeptu anitz entzun dira, baina argitu dute eragile euskal lurralde elkargoa dagoela guztien eskaeraren atzean.
Ontzat hartu dute deszentralizazioaz arduratzen den ministro Marylise Lebranchurekin Hautetsien Kontseiluak ukan bilera. "Atea ez hesteaz gain, ondoko hitzordua finkatzeko balio ukan du", Jakes Bortairu Batera-ko kidearen ustez. 2013 hastapenean etorriko da Lebranchu Euskal Herrira. Anartean, lanean segituko du plataformak, eskakizunak oraindik sostengu handiagoa lortzeko asmoz eta Paris mugiarazteko xedez.
