Arnaldo Otegi ezker abertzaleko kidea eta Bateragune auzian zigortutako Rafa Diez, Arkaitz Rodriguez, Miren Zabaleta eta Sonia Jacinto askatzea eskatzeko Arnaldo askatu, politika askatu plataformak deituta elkarretaratzea egin dute gaur eguerdian Logroñoko (Espainia) espetxe atarian hainbat lagun ezagunek. Han daukate preso Otegi, eta 50 bat pertsona ezagun izan dira bertan. Denera, berrehunen bat batu dira.
Preso guztien giza eskubide guztiak errespetatzeko ere exijitu dute. Gaixo dauden presoak, zigorra edo zigorraren hiru laurdenak beteta dauzkatenak askatzea eta sakabanaketa politika indargabetuz euskal preso guztiak Euskal Herriratzea eskatu dute.
Xabier Amurizak bertso batzuk kantatu ostean, Alfonso Sastreren gutun bat irakurri dute hedabideen artean, bost hizkuntzatan: euskaraz, gazteleraz, frantsesez, katalanez eta ingelesez. Sastrek deritzo premiazkoa dela Otegi-eta askatzea, "Espainiak bahituta" dauzkala salatu du, eta haien "kemen etikoa eta heldutasun politikoa" goretsi du, "bake justuaren" alde ari direlako. "Amnistiarik gabe ez da izango bakerik, eta bitartean ez dugu une batean ere atseden hartuko".
Espainiako Polizia espetxe atarian izan da, baina kontrolik jarri gabe.
2009ko urriaren 13an izan zen Bateragune auziko polizia operazioa, eta iazko ekainaren 27an hasi zen epaiketa —bukatu, uztailaren 7an—. Joan den irailaren 16an eman zuten epaia: Otegiri eta Diez hamarna urteko kartzela zigorra, ETAko buruzagitzat jota; eta Rodriguez, Zabaleta eta Jacintori zortzinakoa, ETAko kidetzat jota. Defentsak helegiteak aurkeztu zituen azaroan.
Parte hartzaile batzuk
Iñaxio Kortabarria
Rufi Etxeberria
Pernando Barrena
Jone Goirizelaia
Unai Ziarreta
Jose Mari Esparza
Oier Zearra
Loren Arkotxa
Laura Mintegi
Joan Mari Irigoien
Martin Garitano
Ramon Labaien
Joan Tarda
Maria Angeles Iztueta
Luis Ocampo
Doris Benegas
Nines Maestro
Carlo Fabretti
Martxel Toledo
Maria Zubiaga
Txema Ramirez de la Piscina
Mertxe Colina
Tasio Erkizia
Iñaki Soto
Martxelo Otamendi
Diego Paredes
Xabier Amuriza
Anje Duhalde
Gabi Mouesca
Fernando Reincidentes
Jon Maia
Jose Maria Arrate
Diego Paredes
Iñaki Antiguedad
Rafa Larreina
Xabier Mikel Errekondo
Jon Iñarritu
Maite Aristegi
