Jon Darpon Eusko Jaurlaritzako Osasun sailburuak gogoratu du arrisku taldeen artean 65 urtetik gorako pertsonak daudela, baita gaixotasun kronikoak dituztenak eta haurdun daudenak ere. Azken horiei bereziki egin die txertoa hartzeko deia: "Gripea hartuz gero arazoak izan ditzakete, eta gaur egun txertoa da daukagun prebentzio metodorik onena". Iaz haurdun zegoen neska bat gripearen ondorioz "oso larri" egon zela ohartarazi du.
Osakidetzaren gomendioa da haurdunaldiaren bigarren hiruhilekora arte txertorik ez hartzea; hala ere, datuek diote soilik %4,1ek betetzen dutela gomendio hori.
Jaurlaritzak 400.000 txerto ditu aurtengo kanpainarako —1,2 milioiko aurrekontua—. Iaz, 300.000 lagunek hartu zuten gripearen kontrako txertoa Araba, Bizkai eta Gipuzkoan, arrisku taldeetan dauden pertsonen %61ek.
