Badira hamabost urte sexu bereko bi pertsonaren arteko lehen ezkontza egin zela, Herbehereetan. Geroztik, denbora asko igaro da, eta, egun, Mendebaldeko 22 herrialdetan legezkoak dira halako ezkontzak. Hori ez da aski, ordea. Izan ere, nazioartean oso zabaldua dago oraindik sexu aukeragatiko diskriminazioa. Hori dela eta, hainbat ekintza eta mobilizazio antolatu dituzte Euskal Herrian, Homofobia eta Transfobiaren Kontrako Nazioarteko Egunaren karietara.
Besteak beste, eta EHGAMek deituta, elkarretaratzea egin dute Donostiako Bulebarrean, 19:30ean. LABek, berriz, Bilboko Plaza Eliptikoan egin du elkarretaratzea, lantokietan ere sexu askatasuna izan dadila aldarrikatzeko.
LABek Bilbon egin du elkarretaratzea, lantokietan sexu askatasuna izan dadila aldarrikatzeko https://t.co/SA2BUMSMxIpic.twitter.com/f8ajlD7wI1
— Berria.eus (@berria) 2016(e)ko maiatzak 17
EAJk, berriz, ohar bat plazaratu du Osasunaren Mundu Erakundeak homosexualitatea buruko gaitzen zerrendatik kendu zuen egunarekin bat eginez. Bertan, sexu aukeran oinarritutako diskriminazio oro gaitzetsi du, eta giza eskubideen errespetua aldarrikatu.
