BECeko biharko ekitaldirako deia egin du EH Bilduk

Youtube atariaren bidez, bihar Bilbao Exhibition Centren egingo den ekitaldira joateko deia egin du EH Bildu koalizioak. Bideoan, «ni banoa, zu ere etorri!» mezuaren bidez, mitinera joateko deia egiten da. Bideoetan, Arabako Bizkaiko eta Gipuzkoako zerrendetako hautagaiek gonbita egiten diete herritarrei Bilbora gerturatzeko. Besteak beste, Laura Mintegi, Xabier Isasi, Oskar Matute eta Marian Beitilarrangoitia ageri dira bideo horietan. BEC betetzeko erronka du koalizioak. Gaur arratsaldean, ekitaldi politikoaren prestaketa lanetan diharduten bitartean, Laura Mintegik mitineanparte hartuko duten hizlarien berri emango du. Beste xehetasun batzuk ere azalduko ditu.