"[Batasunari dagokionez] egoera berria egiaztatzen ez den arte ez da legearen aplikazioa aldatuko", esan du Jauregik Espainiako Ser irrati katean egin dioten elkarrizketan, eta Batasuna egun legez kanpokoa dela nabarmen du. "Behin betiko aldaketa egiaztatzen denean, asmo logiko bati lotuko gatzaizkio: [Batasuna] behin betiko sistema demokratikoan txertatzeko asmoari", erantsi du.
Agiriaren edukiari dagokionez, "neurtua" iruditu zaio, eta autodeterminazioa ez dela aipatzen azpimarratu du. "Segur aski euskal gizarteak eta Espainiako demokraziak ETAri irabazi diote".
ETA-REN SU-ETENA/ERREAKZIOAK
"Behin betiko aldaketa" egiaztatzean Batasuna legeztatu dezaketela iradoki du Jauregik
Ramon Jauregi Espainiako Kongresuko Batzorde Konstituzionaleko PSOEko buruzagiaren iduriko ETAren su-etenak "behin betiko aldaketak" eragingo dituela egiaztatzea da orain lehentasuna. Gainera, Batasunaren etorkizuna ere horren araberakoa izango dela agertu du: hau da, aldaketa behin betikoa dela egiaztatuz gero alderdi hori legeztatu dezaketela iradoki du.
Iruzkinak
Ez dago iruzkinik
Ordenatu
