Joaquin Beltran eta Alberto Sololuze desagertuta daude otsailaren 6az geroztik, duela hiru hilabetetik. Zaldibarko Verter Recycling zabortegiko langileak ziren, eta haren luiziak azpian harrapatu zituen. Gaur, haien omenezko lore eskaintzak egin dituzte Zaldibarren (Bizkaia), baita Eibarren (Gipuzkoa), Elgetan (Gipuzkoa), Ermuan (Bizkaia), Markinan (Bizkaia) eta Zallan (Bizkaia) ere. Zaldibar Argitu plataformak sustatu du ekintza.
«Hiru hilabeteren ostean, batzuek guztia ahaztu nahi dute. Onartezina delako, gaur Alberto eta Joaquin oroituko ditugu herriko plazetan, eta ez gara geldituko Zaldibarren gertatutako guztia argitu arte», adierazi du plataformak. Egun osoan egin dute lore eskaintza, kalera ateratzeko baimena aprobetxatuz; Eibarren, Elgetan, Ermuan eta Zaldibarren, zabortegitik gertuen dauden udalerriak direlako, eta Markinan eta Zallan, langileak han bizi zirelako.
3 hilabete. Gaur lore eskaintza inguruko herrietan.
— ZALDIBAR ARGITU (@ZaldibarArgitu) May 6, 2020
3meses. Hoy ofrendas florales en los pueblos de alrededor
ð;ÂÂ;ŸÂ‘‡8#markinaxemein#zaldibarargitupic.twitter.com/oj0zIvicog
Zaldibar Argitu plataformakoak pozik daude herritarren erantzunarekin. Lore dendak itxita daudenez gero, herritarrek eurek jasotako loreak utzi behar izan dituzte plazetan, baita paperarekin egindakoak ere. Loreak langileen izenak zeramatzaten kartelen ondoan utzi dituzte; Hiru hilabete. Herriak ez du ahazten izan da leloa.
Gainera, plataformak lapiko jotze batera deitu du 20:30erako, Zaldibarko zabortegiko hondamendiagatik protesta egiteko, eta zenbait herritarrek kandelak atera dituzte leihora, Beltran eta Sololuze oroitzeko.
#ZaldibarArgitu#Joaquinetaalbertogogoanpic.twitter.com/qb6gwDwnp2
— Ainara (@ainlarra) May 6, 2020
Bi langileen senideek zenbait mezu zabaldu dituzte sare sozialetan. «XXI. mendean, nola da posible lur-jausia gertatu eta hiru hilabetera bi langileen gorpuek oraindik zaborpean segitzea?», idatzi du Helene Alberdik Twitterren; Sololuzeren iloba da bera.
3 HILABETE
— Helene (@helene_alberdi) May 6, 2020
XXI. mendean, nola da posible lur-jazia gertatu eta 3 hilabetera bi langileen gorpuek oraindik zaborpean segitzea?
