Emakumeen eta Gizonen Berdintasunerako EAEko Defentsoria bertan behera utziko du Eusko Jaurlaritzak, eta aurrerantzean Emakundek emango ditu orain Defentsoriak eman dituen zerbitzuak. Eusko Jaurlaritzako lehendakari Patxi Lopezek iragarri du aldaketa. Haren arabera, orain arte "disfuntzioak" zeuden, Emakunde eta Defentsoria bi erakunde diferente izanda.
Defentsoria kendu eta haren zerbitzua Emakunderen baitan sartzeko, legea aldatu beharko dela jakinarazi du Lopezek. Bitartean, dekretua onartuko du Jaurlaritzak, behin-behinean zerbitzu horiek ematen has dadin Emakunde.
Maite Errok, Emakumeen eta Gizonen Berdintasunerako Defentsoriako zuzendariak, iragan abenduan eman zuen dimisioa. Hiru urte eman zituen karguan.
GIZARTEA
Berdintasunerako Defentsoria kendu egingo du Jaurlaritzak
Haren zerbitzuak Emakundek emango ditu aurrerantzean, Patxi Lopezek iragarri duenez. Maite Erro zuzendariak abenduan eman zuen dimisioa.
Iruzkinak
Ez dago iruzkinik
Ordenatu
