BERGARA ETA BERRIA, ELKARLANEAN

Euskarazko irakurzaletasuna sustatzeko akordioa sinatu dute Bergarako udal euskaltegiak eta BERRIA Taldeak. Akordioan jasotzen denez, udal euskaltegian ikasten ari direnek %75 merkeago eskuratuko dute BERRIAren asteburuetako harpidetza. Horrez gain, Bergarako Udalak beste hainbat programatan 2012. urtean laguntzak emateko aukera aztertuko du. Irudian, BERRIA Taldeko Joanmari Larrarte eta Jesus Mari Elortza Bergarako alkate eta euskaltegiko lehendakaria.