BERRIAk eta UEUk lankidetza ituna izenpetu dute

ANDOAIN. Hitzarmena sinatu dute BERRIAk eta UEU Udako Euskal Unibertsitateak, bakoitzaren komunitatea sendotu eta fidelizatzeko ekintza sorta bat egiteko. Hasteko, Iker Gazte jardunaldien jarraipen berezia egingo du BERRIAk maiatzean. Euskarazko kazetaritzaren garapenari lotutako eztabaidaguneak eskaintzeko elkarlana hastea ere adostu dute.