Euskalerria Irratiak Sanfermintza saioa egingo du 10:00etatik 12:30era bitartean, Iruñeko udaletxe plazatik. Berria.info-k zuzenean eskainiko du Euskalerria Irratiaren saioa eta, harekin batera, 12:00etan, txupinazioa bera.
Oihane Arangoak eta Juan Kruz Lakastak zuzenduko dute saioa, udaletxe ondoko Seminario etxetik. Plazan gertatzen dena kontatzeaz gain, hainbat lagun elkarrizketatuko dituzte.
Lara Madinabeitia BERRIAko kazetaria arduratuko da bideo emanaldiaz.
Eskaintza zabala BERRIAk
Eskaintza oparoa prestatu du BERRIAk sanferminetarako. Berria.info-n webgune berezi batean jasoko ditu festetako argazki, bideo, albiste eta abarrak.
Gainera, Iruñeko ordezkaritzako kazetariek lekuko zuzena emango dute une oro Berriketan.info sare sozialean. Goizero, entzierroaren kontakizuna jarraitu ahal izango da sare sozialean, eta, ondoren, bideoa webgunean jarriko dute. #SFK13 traolan bilduko dituzte sanferminetako edukiak.
Horretaz gain, bihartik hasi eta asteazkena bitartean, Euskalerria irratiaren Sanfermintza saioarekin bat egingo dute 12:00etatik aurrera. Irratsaioa zuzenean ikusi eta entzun ahalko da streaming bidez.
