Nafarroako Auzitegiak 22 urteko kartzela zigorra jarri dio gizon bati, lehengo urteko uztailean Berriobeitin Berriozarko lagun hil zuela egotzita. 22 urte horietatik hamazazpi hilketagatik ezarri dizkiote, lau urte indarkeria bidez lapurreta egiteagatik eta urte bat estortsioagatik.
Parte desberdinek epaiari buruzko helegitea sartzeko aukera dute Nafarroako Auzitegi Nagusian.
Azaroan egin zen N.G.G.ren aurkako epaiketa. Fiskalak denera 31 urteko zigorra eskatu zuen. Herri akusazioak, 45 urtekoa. Defentsak, urtebete eta bederatzi hilabetekoa.
