Berrobin aitaordea hil zuena erruduntzat jo dute

BERROBI. 2009an Berrobin (Gipuzkoa) aitaordea hil zuen gaztea errudun dela erabaki du zinpeko epaimahaiak. Hilketa delitua leporatzen diote. Epaimahaiko kideek erabateko gehiengoz hartu dute erabakia. Ebazpenean diote biktima defentsarik gabe zegoela semeordeak eraso zionean. Hala, akusazioak epaiketan zehar emandako argudioekin bat egin du. Fiskalak 21 urteko espetxe zigorra eskatu du akusatuarentzat, eta hildako gizonaren beste bi semeek, berriz, 26 urtekoa.