Bertso merendua egingo dute ostegunean Lakuntzan

BERRIA Taldeari babesa agertzeko eta Zure ziztada behar dugu kanpainari bultzada bat emateko, bertso merendua egingo dute datorren ostegunean Lakuntzan (Nafarroa). Bertsoak Jon Maia eta Eneko Lazkozen kontura izango dira. Merendua, berriz, Sakana eskualdeko bederatzi ekoizlek jarriko dute. Bertako gazta eta txistorra dastatu ahal izango dituzte, beraz, ekitaldira joango direnek. Beriain, Juanane, Larrezabal, Uharte, Albi, Poke, Flores, Laket eta Arbizu ekoizleek eramango dituzte beren produktuak. Bertso merendua Lakuntzako Pertza elkartean egingo dute, iluntzeko zortzietatik aurrera. BERRIAlagun egiteko arrazoiak ere azalduko dizkiete ekitaldira joango direnei.