Ertzaintzak bertze adingabe bat atxilotu du gaur joan den uztailaren 25ean Zornotzan (Bizkaia) gertatutako erasoarekin lotuta: atxilotzen duten hamalaugarren gizonezkoa da. Barakaldon atzeman dute (Bizkaia). Guztira zazpi adingabe eta zazpi adinez nagusi dira 23 urteko mutil bati jipoi bat emateaz akusaturiko gizonezkoak. Horietako sei, adinez nagusiak denak, preso sartuak dituzte. Izan ere, atzo atxilotutako 19 urteko gaztea ere espetxeratu egin dute gaur.
Zaurituriko mutilaren senideek jakinarazi dutenez, bertzalde, jipoituriko gaztea egonkor baina larri dago, Gurutzetako erietxean.
