Beherantz doaz osasun zerbitzuek egunero jakinarazten dituzten COVID-19 kasuak. Osakidetzak eta Osasunbideak beste 640 kasu atzeman zituzten atzo; uztailaren 2tik erregistratutako kopururik txikiena da. Denera 6.305 proba egin zituzten, eta, beraz, positibo tasa %10,2 da.
Lurraldeka, positibo gehien Bizkaian atzeman dira: 248. Gipuzkoan 186 izan dira, Nafarroan 100, eta Araban 88.
Ospitaleei dagokienez, 33 lagun ospitaleratu zituzten atzo, eta ZIUetan 110 gaixo daude, atzo baino bederatzi gehiago. Maiatzaren 29tik izandako kopururik handiena da.
