Baltasar Garzon epaile espainiarraren kontrako escrache bat egin dute Argentinan; oraingoan, Mar del Platan. Besteak beste, "torturatzaile" deitu diote, eta euskal presoen aldeko aldarriak oihukatu dituzte.
Ez da aurreneko aldia Argentinan Garzonen kontrako eta euskal presoen eskubideen alde escrache bat egiten dutena. Irailaren 18an egin zuten beste bat, Argentinako hiriburuko Filosofia eta Letretako fakultatean. Irailaren 21an, berriz, Argentinako hiriburuko irrati batean parte hartzen ari zela egin zuten protesta.
