BESTE GAZTETXE BATEN BILA

Ia 26 urtez Ordiziako gaztetxea (Gipuzkoa) hartu duen eraikina hustu eta uztea erabaki dute gazte asanbladako kideek. Udalaren laguntzaz azpiegituraren egoera aztertu eta ezegokia zela ondorioztatu ostean, eraikina bota egingo dute. Halere, «ezinbesteko» jo dute beste gaztetxe bat aurkitzea, eta, beraz, bilatzen hasiak dira, «udalarekin elkarlanean». «Denen artean gaztetxe berri bat sortzeko», irailetik aurrera bilera irekiak antolatuko dituztela iragarri dute.