Hilaren 26an egingo dute Arabako Batzar Nagusietan ahaldun nagusia hautatzeko batzarra, eta gaur beste hautagai bat aurkeztu da: Aitor Bezares EAE-ANVren kidea. PP, PSE-EE eta EAJren aldean "politika beste era batera" egin nahi duela adierazi du. Javier de Andresek (PP), Txarli Prietok (PSE-EE) eta Xabier Agirrek (EAJ) ere aurkeztua dute hautagaitza.
Bezaresen ustez, hiru alderdiok "poltrona bete nahi dute negozioa egiteko", baina "prest" azaldu da "edukiez" hitz egiteko. Orain arte inorekin ez dutela hitz egin esan du Bezaresek.
EAE-ANVk lau batzarkide lortu zituen maiatzeko foru hauteskundeetan Araban. Barruti bakarrean zen legezkoa.
Prietok gaur berretsi egin du PSE-EEk ez diola beste inori bozkatuko, eta PPren botoak espero dituela ahaldun nagusi izateko.
Politika
Bezares ere Arabako ahaldun nagusi izateko hautagai
EAE-ANVren kideak gaur aurkeztu hautagaitza, eta "politika beste era batera" egin nahi du.
Iruzkinak
Ez dago iruzkinik
Ordenatu
