Askatasuna erakundeak agertu duenez, 12.500 dolar ordaindu behar izan zituen gazteetako bakoitzak baldintzapeko askatasunean geratzeko, eta astean bi aldiz polizia etxera aurkeztu behar izaten dute beren burua. Baldintza horiek beti bete dituztela ziurtatu du Askatasunak, eta, beraz, orain berriro espetxean sartzeak ez duela ez hanka, ez bururik salatu du.
Gainera, Gorka Pereak istripu larria izan zuen ekainean, eta oraindik tratamenduan dago. Askatasunak zehaztu duenez, elektroshock-ak hartu behar izaten ditu oraindik, eta kezka agertu du uste baitu kartzelan ezingo duela tratamenduarekin jarraitu.
Nolanahi ere, bi gazteen defentsak Kanadako Auzitegi Gorenean helegitea jarriko du espetxeratzearen aurka. Halaber, euskal herritari biek intelektual, herri mugimendu eta politikari askoren babesa dutela azaldu du Askatasunak, eta, orain, berriz espetxeratu dituztela eta, manifestazioak eta tankera bereko ekintzak antolatu dituztela Montrealen.
Espainiako Justiziak kale erasoetan parte hartu izana egozten die Pereari eta Plagarori.
Espetxeratzea
Bi euskal herritar espetxeratu dituzte, berriro, Quebecen
Espainiaren estradizio eskaera bat dela tarteko, Eduardo Plagaro eta Gorka Perea iheslari gasteiztarrak berriro kartzelatu zituzten asteazkenean Montrealean (Quebec), Riviere de Prairies espetxean. Lehenago, 2001eko ekainaren 5ean atxilotu eta kartzela berean sartu zituzten, eta bi urtez egon ziren preso. Iazko azaroaren 1etik orain arte baldintzapeko askatasunean izan dira Kanadako Justiziak Espainiaren estradizio eskaerari buruzko erabakia hartu zain.
Iruzkinak
Ez dago iruzkinik
Ordenatu
