Bi gazte larri zauritu dira auto istripu bat izanda Ondarroan

Ondarroa inguruan errepidetik irten da autoa eta larri zauritu dira hemeretzi eta hogei urteko gazteak. Goizaldeko 4:20 inguruan izan da istripua, eta Elgoibartik Ondarroara zihoazen istripua izan dutenean. Hogei urteko gidaria harrapatuta geratu da autoan, eta suhiltzaileek atera behar izan dute bertatik. Ondoren, Barakaldoko (Bizkaia) Gurutzetako ospitalera eraman dute, eta han dago egoera larrian. Hemeretzi urteko zauritua, berriz, Galdakaora eraman dute larri zaurituta hori ere.