Gasteizko Harresiak jakinarazi duenez, akusazioak erretiratu dizkiete 2012ko martxoaren 3an egindako eserialdi baten harira epaitzen ari diren sei gazteetatik biri. Desobedientzia egozten zieten guztiei; horietako lauri, agintearen aurkako atentatua ere bai, eta lesioak eragitea gazteetako bati. Auzia"poliziaren azpijokoa" izan dela salatu dute gazteek.
[AZKEN ORDUA] #M3-ko eserialdiako epaikerako 1. eguna amaituta, 2 gazteren kontrako karguak erretiratu dituzte. pic.twitter.com/oZH2vyhyPa
— Gasteizko Harresia (@GasteizHarresia) November 23, 20152012ko martxoaren 3an egin zuten eserialdia dozenaka gaztek, PPren egoitza aurrean, 1976ko gertakariak —bost langile hil zituzten— eta PPren lan erreforma salatzeko. Ertzaintzak gogor egin zuen gazteen aurka, eta hiru lagun atxilotu eta beste hainbat identifikatu zituen. Batzuk, ospitalera bila joan ondoren.
Goizean hasi da seien aurkako epaiketa, eta asteazkenean jarraituko du. Gaur, manifestazioa egingo dute auzia salatzeko: 19:00etan Andre Maria Zuritik, Muntaia polizialik ez, epaiketarik ez lelopean.
