Bi gizon atxilo, beste bati eraso egitea egotzita

BILBO. 20 urteko bi gizonezko atxilotu zituzten asteazken arratsaldean Bilbo Zaharrean, beste gizonezko bati eraso egin eta larriki zauritzea egotzita. Inguruan zebiltzan ertzainak erasoaz ohartarazi zituen lekuko batek. Bertaratu zirenean, erasotzaileak taberna batean ezkutatu zirela jakinarazi zien zaurituak, eta behaketaren ondoren, atzeman ahal izan zituzten.