Emakumeen aurkako indarkeria egotzita, bi gizon atxilotu dituzte azken egunotan Bilbon. Igande gauean, emakume baten deia jaso zuen Ertzaintzak. Haren etxera joan, eta bikotekideak jo, iraindu eta mehatxatu egin zuela baieztatu zien ertzainei. Emakumeak azaldu zien aurretik ere beste hainbat aldiz eraso ziola gizonak. 25 urte ditu ustezko erasotzaileak, eta ertzainei ere eraso egiten saiatu zen, atxilotzera joan zirenean, Ertzaintzak jakinarazi duenez.
Atzo, bestalde, 04:00 aldera, 30 urteko gizon bat atxilotu zuen Ertzaintzak. Poliziak izan ziren erasoaren lekuko, azaldu dutenez. Emakumea buruan jotzen ikusi zuten gizona, eta lurrera bota zuen gero. Ertzainek artatu zuten.
Bi gizon atxilotu ditu Ertzaintzak Bilbon, ustez bikotekideak jotzeagatik
Iruzkinak
Ez dago iruzkinik
Ordenatu
