Gasteizko Udaltzaingoak 32 urteko gizonezko bat atxilotu zuen asteartean bikotekideari jotzea leporatuta. Bikotekidea, emakumezkoa, ospitalera eraman zuten, buruan, lepoan eta besoan zituen zauriak artatzera. Gizonezkoak bota batekin jo zion emakumezkoari. Etxean hiru hilabeteko haurrarekin zegoela jo zion.
Sestaon, delitu bera egotzita, 34 urteko gizonezko bat atxilotu zuen Ertzaintzak. Herrizaingo Sailaren arabera, kalean zirela jo zion emakumezko bikotekideari, sabelaldean eta aurpegian. Erasoa etxeko leihotik ikusi zuen ertzain batek gaitzetsi egin zion jokaera, eta kalera irten zen ustezko erasotzailearen bila. Hori horrela, gizonezkoak furgoneta hartu eta ertzaina harrapatzen saiatu zela adierazi du Ertzaintzak.
Sexu erasoa adingabeei
Bestalde, Pasaian elkarretaratzea eta adierazpen instituzionala egin dituzte joan den asteburuan herriko jaien ingurumarian hiru adingaberi ustez egin zizkieten sexu erasoak salatzeko. Herrizaingo Sailaren arabera, atxilotu dute ustezko egilea. Ertzaintzaren datuen arabera, bi adingaberi egin zizkien erasoak.
