Bi gizon atxilotu dituzte genero indarkeria egotzita

BILBO. Ertzaintzak bi gizon atxilotu ditu bikotekidea mehatxatzea, iraintzea eta erasotzea egotzita. Bilbon poliziek 27 urteko gazte bat atzeman zuten astearte goizean. Beste erasoa Arabako herri txiki batean gertatu zen—herria ez dute jakitera eman—, asteazken gauean. Biktima ospitalera eraman zuten, antsietate krisiak jota.