Bi gizonek eginiko sexu erasoa salatu du andre batek Errenterian

Emakume bati jazarri zitzaizkion ustez bi gizonezko astearte gauean Errenterian (Gipuzkoa), eta sexu erasoa egiten saiatu ziren. Herrizaingo Sailak zabaldutako informazioaren arabera, ertzainek zapuztu egin zuten bortxaketa saioa, eta gizonetako bat harrapatu eta atxilotu zuten. Nafarroako Gobernuak jakinarazi duenez, berriz, hiru gizon atxilotu dituzte azken astean bikotekideen kontrako tratu txarrak egotzita. Jaurlaritzak gazteen arteko indarkeria matxistari aurrea hartzeko sortu du, hain justu, www.euskadi.net/ezisildu gunea. Genero bortxari aurre egiteko baliabideak eskaini ditu.