Ertzaintzak bi gizonezko atxilotu zituen atzo Portugaleten (Bizkaia) eta Errezilen (Gipuzkoa), ustez euren bikotekideak jotzeagatik. Ustezko bi biktimak artatu egin behar izan zituzten.
06:00ak aldera, Ertzaintzak abisua jaso zuen Portugaleten, Simon Bolibar kalean gizonezko bat haren bikotekidea jotzen ari zelakoan. Ertzaintzak handik gertu atxilotu zuen gizonezkoa; 46 urte ditu.
Errezilen emakumezko batek SOS Deiak larrialdi zerbitzuetara deitu zuen 21:00ak aldera, haren bikotekideak jo eta mehatxatu egin zuela esanez. Haren arabera, ez da gizonak erasotzen duen lehen aldia. 39 urteko gizona da atxilotutakoa.
