Bi gizonezko atxilotu dituzte Gasteizen, bikotekideak jotzea leporatuta

Ertzaintzak bi gizonezko atxilotu zituen atzo Gasteizen, euren bikotekideak jo dituztelakoan. Gizonezko bat 26 urtekoa da (M.R.L.) eta bestea 30ekoa (J.F.F.).

Atxiloketa bat Florida kalean izan zen, emakume batek bere bikotekide ohia salatu ostean. Aurreko batean ere atzeman zuten arrazoi beragatik.

Mendoza kalean izan zen beste atxiloketa. Emakumeak esan zuen gizonezkoak jo egin zuela eta ohikoak zirela tratu txarrak.