Bi lagun hil dira, Nafarroa eta Bizkaiko errepideetan

TUTERA. Uharteko motodun bat hil zen atzo AP-68 errepidean, Tuteran (Nafarroa), motozale elkarretaratze batera zihoala errepidetik atera ostean. Bestalde, Abantoko 20 urteko bizilagun bat hil zen Bizkaiko herri horretan, bi autoen artean gertatutako istripuan. Beste autoko gidaria, 25 urtekoa, ospitalera eraman behar izan zuten.