Haize handia ibili da gaur Iruñean, eta 16:45ean Nafarroako Unibertsitateko atariko sekuoiaren adar nagusietako bat hautsi da. Han zegoen lagun talde baten gainera erori da, eta 33 eta 43 urte arteko bost lagun zauritu dira. Nafarroako Gobernuaren arabera, larri daude haietako bi.
Suhiltzaileek erreskatatu dituzte, eta larrien dauden biak anbulantzia medikalizatuan eraman dituzte erietxera. Beste zaurituetako bi ohiko anbulantzietan eraman dituzte, eta bosgarrena auto partikular batean joan da.
