Bi motorzale hil dira istripuz, bat Areson eta bestea Zarautzen

Ostegunean bi lagun hil ziren arratsalde eta iluntze partean gertatutako bi istriputan. Ezbeharretako bat Aresongertatu zen, Nafarroan, A-15ean, ilunabarreko zortziak eta laurden aldera: Urnietako (Gipuzkoa) 23 urteko gazte bat Donostiara bidean zihoan, motorrean, eta errepidetik irten egin zen. Kolpea hartu zuen. Osasun zerbitzuak bertara joan ziren, baita suhiltzaileak ere. Anbulantzian Nafarroako Ospitalera eramatea lortu zuten, artean ere bizirik, baina handik bi ordura hil egin zen. Beste ezbeharra Zarauzko herrigunean gertatu zen, Gipuzkoan, iluntzeko zortzi eta erdiak aldera. Auto gidari batek motorzale bat jo zuen. Kolpearen ondorioz, hantxe bertan hil zen motorrean zihoan gizona.