Bi pertsona hil dira Zaldibarren A-8 autopistan izan den auto istripu batean

Bi pertsona hil dira bart Zaldibarren (Bizkaia) A-8 autopistan gertatu den auto istripu batean. Ertzaintzak jakinarazi duenez, Renault Clio auto bateko bi bidaiariak hil dira 23:00etan gertatu den auto istripuan. Oraindik argitu gabe dauden arrazoiengatik tunelaren inguruan autoak hesia jo du. Suhiltzaileak bi bidaiariak autotik atera dituzte, baina biak ere hil dira. Bidaiarietako baten nortasuna ez dute oraindik jakinarazi, baina bestea frantziarra dela esan dute.