Bi pertsona zauritu dira Lakarran auto istripuz

BAIONA. Bi autok buruz buru jo zuten atzo Lakarran (Nafarroa Beherea), Donibane Garazi eta Donapaleu lotzen dituen errepidean. Bi pertsona zauritu ziren bertan, horietariko bat larri. Sorospen zerbitzuek zauri larrienak zituen pertsona helikopteroz eraman behar izan zuten Baionako erietxera. Errepidea itxi egin zuten, eta Jendarmeriak saihesbideak jarri zituen.