Bi pertsona zendu dira Jataben eta Muru Artederretan, istripuz

JATABE. Motozale bat hil zen atzo arratsaldean Jataben, Bizkaian, ibilgailuarekin auto baten aurka jota. N-240 errepidean izan zuen ezbeharra, eta medikua iristerako hilda zegoen moto gidaria. Muru Artederretan (Nafarroa), goizaldean gertatu zen ezbeharra. 30 urteko gizon bat hil zen, automobil batek harrapatuta.