Bi adingabe hil dira eguerdian Corellan (Nafarroa), AP-68an izandako auto istripu batean, Foruzaingoak jakinarazi duenez. Hildakoak jaioberri bat eta haur bat dira. Haien gurasoak larri zauritu dira.
12:27an izan da ezbeharra, 205. kilometroan. Familia zihoan autoa bidetik atera da, eta N-113 errepidera erori da. Bi umetxoak bertan zendu dira. Autoaren gidaria, bi umetxoen ama, harrapatuta geratu da, eta suhiltzaileek atera behar izan dute. Helikopteroz Iruñeko Ospitale gunera eraman dute, larri. Aita airean atera da, eta Tuterako Reina Sofia erietxean artatu dute. Familia Bartzelonakoa da.
