Bi umeen aitak eman zien abisua sokorri zerbitzuei, bere bikotekidearekin harremanetan jartzea lortzen ez zuelako kezkatuta. 41 urteko emaztea, Baionako Resplandy kaian aurkitu zuten, Aturri bazterrean biluzik, "eldarnioak jota". Bi umeak ibaiaren beste aldean zeuden, hilotz.
Baionako prokuradorearen arabera, "bipolaritate arazoak" ditu emakumeak, eta polizia iristean "hitz-jario inkoherentea" zeukan. Erietxe psikiatriko batean sartu dute. Poliziaren susmoa da ama bi umeekin ibaira sartu zela eta ur-lasterrak eraman zituela. Ikerketa abiatu dute gertaturikoa argitzeko.
