Bizkaiko Epaitegiak bi urteko kartzela zigorra jarri dio gizonezko bati -R.R.T.-, 2006an Bilbon, Basurtu auzoan, zebrabide batean autoarekin bi haur harrapatu eta hiltzeagatik. Zazpi eta lau urte zituzten ume haiek. Epaitegiak zuhurtziarik eza leporatu dio gidariari, azkarregi joateagatik. Honek, hala ere, ez du espetxera joan beharrik izango, ez baitu aurrekaririk. Dena dela, urtebeterako gida baimena kendu diote.
Aurretik epaitegi bereko beste epaile batek bi hilabete zigorra jarri zion, baina epai berriak atzera bota du neurri hura, Fiskaltzak eta haurren gurasoek helegiteak sartu ondoren.
Gizartea
Bi urteko kartzela zigorra Bilbon autoarekin bi haur harrapatu eta hiltzeagatik
2006an izan zen istripua, Basurtu auzoan, zebrabide batean. Bizkaiko Epaitegiak eman du epaia. Gidariak ez du espetxera joan beharko, ez duelako aurrekaririk.
Iruzkinak
Ez dago iruzkinik
Ordenatu
