Bi zaborrontzi erre dituzte Gasteizen, bat Gorlizen

Gasteizen bart bi zaborrontzi erre dituzte, Zaramaga auzoan, eta Ertzaintza ikertzen ari da kale erasoa izan den edo ez.

Aurreneko zaborrontzia goizeko ordubatak baino zerbait lehenago erre dute. Bigarrena, hiru ordu laurdenera. Suhiltzaileek joan behar izan dute gertaera lekura. Sutearen beroagatik auto bat kaltetuta geratu da.

Gorlizen, berriz, zaborrontzi eta koltxoi bana erre dituzte gaur hamaikak aldera, Gaminiz kalean. Ertzaintza gertaera ikertzen ari da.