Bidea libre utzi du Auzitegi Gorenak Garzon epaitzeko

Espainiako Auzitegi Gorenak bidea libre utzi du Baltasar Garzon Auzitegi Nazionaleko epailea epaitzeko, izan ere, 1936ko gerran eta frankismoan desagertutakoen ikerketa bere gain hartzeagatik haren aurka zabalduta duen auzia dela-eta jarritako helegitea atzera bota diote.

Desagertutakoen auzia bere gain hartuta prebarikatu izana egotzi zion Manos Limpiasek Garzoni, eta, auzi hori dela eta, joan den irailean Espainiako Auzitegi Gorenean izan zen deklaratzen, inputatu gisa. Horren harira aurkeztu dituen helegite guztiak atzera bota dizkiote, eta, orain auzia ikertzen ari den epaileak auziperatu dezake, eta akusatuen aulkian eserarazi.