BIGARREN BALEA HILABETE BAKARREAN

Balea bat azaldu zen atzo arratsaldean Zarauzko (Gipuzkoa) hondartzako uretan, Beraza parean. Hilabete bakarrean iristen den bigarrena da, iragan abuztuaren 26an kaxalote bat heldu baitzen hondartzaraino. Atzokoa surflariek ikusi zuten; bost eta sei metro bitarteko animalia da, eta 17:30 aldera atzeman zuten. Usain txarra zerion. Ertzainek baieztatu zuten hilik zegoela. Hilotza itsasontzi bidez itsaso barrura eraman zuten, hondartzara ez gerturatzeko.