Bihar bilduko dira Zapatero eta Urkullu, Moncloan

Jose Luis Rodriguez Zapatero Espainiako Gobernuko presidentea bihar batzartuko da Iñigo Urkullu EAJren EBBko buruarekin, Moncloako Jauregian, Efe albiste agentziak zabaldu duenez. ETAren iragarpenaren osteko egoera politikoaaztertzeko batzartuko dira. Atzo bertan, Patxi Lopez lehendakariarekin bildu eta gero Urkulluk esan zuen Espainiako Gobernuak hainbat urrats egin beharko lituzkeela aro berri honetan, eta eskaera horiek egingo dizkio biharko bileran Zapaterori: besteak beste, Alderdien Legea indargabetzeko, Zigor Kodea berraztertzeko (Parot doktrina baliogabetuta) eta espetxe politika malgutzeko eskatuko dio. Bilera goizeko hamarretan hasiko da.