Euskarazko Komunikazio Taldeko (EKT) langileek bat egin dute hainbat sindikatuk biharko egindako greba orokor deialdiarekin eta, ondorioz, bihar ez da BERRIA egunkaria kaleratuko. BERRIA.INFO webgunearen ediziorik ere ez da izango.
EKTko beste enpresetako beharginek ere greba egingo dute: EKTSA, Jarduna (administrazioa), Iragarri (agentzia komertziala), Etxeraino (banaketa) eta Bertakokoek (herri informazioa). BERRIAko langileak Euskal Editorea enpresakoak dira, BERRIA.INFOkoak Ehuntzenekoak.
ELA, LAB, ESK, EILAS, EHNE eta Hiru sindikatuek egin dute greba orokor deialdia -Hego Euskal Herrirako-, krisi ekonomikoa dela-eta langileen eskubideak defenditzeko asmoz.
Komunikabideak
Bihar ez da BERRIA eta BERRIA.INFOrik izango, EKTko langileek greba deialdiarekin bat egin dutelako
Iruzkinak
Ez dago iruzkinik
Ordenatu
