Bihar inauguratuko dituzte EHUko Udako Ikastaroak, Donostian

Bihar inauguratuko dituzte EHUren aurtengo Uda Ikastaroak, Donostian. XXVII.ak izango dira eta, bide batez, XX. Europar Ikastaroak ere hasiko dira. Miramar Jauregian egingo dute aurkezpena, 19:00etatik aurrera.

Carlos M. Duarte biologoak eta Ikasketa Aurreratuen Mediterranear Institutuko irakasleak Aldaketa globala: erronkak eta aukerak hitzaldia emango du bihar. American Society of Limnology and Oceanography erakundeak emandako Evelyn Hutchinson zientzi alorreko bikaintasunaren dominaren (2001) eta Alejandro Malaespina Espainiako Ikerkuntza Sari Nazionalaren (2007) jabe da Duarte.

Ekitaldian, Juan Ignacio Perez Iglesias EHUko jarduneko errektorea, Tontxu Campos Eusko Jaurlaritzako Hezkuntza, Unibertsitate eta Ikerketa sailburua, Markel Olano Gipuzkoako ahaldun nagusia, Odon Elorza Donostiako alkatea edota eta Jose Lius de la Cesta EHUko Udako Ikastaroen zuzendaria egongo dira.