Ospitaletik kanpo bihotz-geldialdi baten aurrean laguntzeko aplikazio berria aurkeztu du Osakidetzak, Jon Darpon Eusko Jaurlaritzako Osasun sailburuak eta Txema Unanue Osakidetzako Larrialdietako zuzendariak egindako agerraldi batean. Jada eskuragarri dagoen app horrek bihotz-geldialdi bat igarri eta antzemateko informazioa ematen du, desfibriladore hurbilenak non dauden adierazten du eta horiek erabiltzeko eta bihotz-biriketako bizkortzea egiteko jarraibideak ematen ditu. Iaz 907 bihotz-geldialdi izan ziren Araba, Bizkai eta Gipuzkoan; kasuen %75ean lekuko bat zegoen, baina lautik batek baino ez zuen bizkortze masajea eman.
Eskuko telefonoan edo tabletean erabiltzeko moduko app hori Play Store-n, Apple Store-n eta Osakidetzaren aplikazioan deskarga daiteke.
