22 eta 23 urteko bikote bat atzeman du Ertzaintzak Bilboko Santutxu auzoan, elkar jotzea leporatuta. Hala jakinarazi du Eusko Jaurlaritzako Herrizaingo Sailak. Atzo atxilotu zituzten biak; 15:15 aldera eztabaidan hasi ziren etxean, eta elkarri eraso egin zioten.
Etxera joandakoan, poliziek ikusi zuten mutilak zauri bat zuela bizkarrean eta neskak gorritua zuela aurpegia. Ertzaintzaren arabera, buruan kolpeak eman zizkion mutilak neskari, eta hark labankada bat eman zion.
Oldarraldiaren ondoren, mutilak abisua eman zion Ertzaintzari. Bien testigantzak jaso ondoren, neska-mutilak atxilotu zituzten, genero indarkeria eta etxe barruko indarkeria delituak egotzita.
